PANGAKUAN NICEA-KONSTANTINOPEL
Kupatongan tu misa’ Puang Matua, Ambe’ makuasa, Puang umpadadi langi’ na
lino, mintu’ tu ditirona sia tang ditirona.
Sia lako misa’ Puang, Yesu Kristus, Anak Tungga’Na Puang Matua, tu dadi dio
mai Puang Matua Ambe’ tonna tae’pa attu siosso’, Puang Matua dio mai Puang
Matua, arrang dio mai arrang, Puang Matua massang dio mai Puang Matua massang,
dikianakan, tangia digaraga, sang a’gan maleso Puang Ambe’, tu tete dio kaleNa
na digaraga tu mintu’ sakka’ saeanna;
Tu mangka songlo’ dao mai suruga lako kita tolino sia lako kasalamaranta,
sia unnala a’gan pa’kalean, tete dio Penaa Masallo’, dio mai anak dara Maria,
na mendadi to lino;
Tu dia’ta’ belanna kita tonna kaparentanna Pontius Pilatus, umperasai parri’,
na dipeliang;
Tu tuo sule tonna allo ma’pentallun, situru’ tu issinna mintu’ Sura’, na
kendek langngan suruga; tu unnisung dio kanan-Na Puang Matua Ambe’, sia la sae
sule sisola kamala’biran, la umpaolai salunna tu to tuo sia to mate;
Tu kadatuanNa tae’ katampakanna.
Kupatongan tu Penaa Masallo’, tu dadi Puang sia mepatuo, tu tassu’ dio mai
Puang Ambe’ na Puang Anak, tu dipenombai sia dipakala’bi’ sisola Puang Ambe’ na
Puang Anak, tu mangka ma’kada umpotete nabi-nabi.
Kupatongan tu misa’ kombongan masallo’ sia sangulele na rasuli.
Kuaku tu misa’ pa’dioran masallo’ lan kagarrisan kasalan.
Kutayan tu kamalimbangunanna to mate, sia katuoan lan attu la sae.
*** Amin ***
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon